Tanha Ghar Say Bahir Jana Theek Nahi,
Tum Masoom Ho Aur Zamana Theek Nahi,
Saaf Dilon Ko Phir Say Meela Kar Dain Gi,
Guzri Baaton Ko Duhrana Theek Nahi,
Aisi Cheezain Door Say Achi Lagti Hain,
Chand Ko Apnay Pass Bulana Theek Nahi,
Aao Mere Haath Pe Apna Haath Rakho,
Saail Ko Khali Haath Loutana Theek Nahi,
Raafta Raafta Tabeerain Beh Jaati Hain,
Num Aankhon Main Khuwab Sajana Theek Nahi.
No comments:
Post a Comment